Woman…

Aksar jab main news mey dekhti hon k kisi bachi ka rape ho gya, kisi aurat ka rape hogya, mother ka ho gya, to mere dil ko bohat takleef hoti hai. Mujhe andaza hai is baat ka k aap sab prhne walon ko bhe hoti ho gi. Main pakistan se hon to is blog mey main sirf apne mulk ki he baat krun gi.
Mujhe samjh nhi arhi thi k is blog ka title kya likhu. To mujhe yehi theek lga jo mene likha hai.
Is blog mey main sirf apne khyalaat (thoughts) likh rhi hun.

Aurat, beti, biwi, behen, maa… in sab titles ki in sab naamo ki kya ehmiyt hai??
Meri nazr mey Aurat (Woman) apne mey he ek eham (important) aur ek Mazboot (strong) kirdar hai. Ek aurat (Woman) mey naturally boht kindness hoti hai, wo soft spoken hoti hai, emotions ko ehmiyt deti hai, us mey bardasht (bear) krne ka stamina boht ziada hota hai. Wo sacrifice kr skti hai aur boht he strong enough hoti hai sacrifice krne k liey.


Nature ne aurat (woman) ko bnaya he aisa hai k wo care krti hai boht ziada, aur wo Khud bhe care chahti hai, protection chahti hai, support chahti hai, loved feel krna chahti hai. Jab ek aurat ya larki is duniya mey aati hai to wo in sab natural khubiyo (virtues) k sath ati hai. Ab in ko explore krna, coach krna guide krna uske parents ka kam hota hai.

Lekin… aaj ki aurat (woman) ko bad-akhlaq (impolite) bad-kirdar (characterless) aur aisy boht se bure naamo se bulaya jata hai. Pehle to jab se wo is duniya mey ati hai usko coach ya guide nhi Kia jata balke Control Kia jata hai. Us per beti hone ka behen hone ka ghar ki aur khandan ki izzat hone ka bojh (burden) aur pressure dal dia jata hai. To in sab mey aurat (woman) kahan gae?? Us ka apna Self kahan gya? Wo kon hai? 16-18 years mey ek larki ki shakal mey jo sab k samne ata hai wo actually ek mujasma (statue) hota hai, made by parents, guardians, family etc.
Agr us ko self discovery krna nhi sekhaya, uski dignity kya hai ye nhi sekhaya, usko Sochne, Bolne, advice krne, decisions krna nhi sekhaya aur na he right dia gya hai to wo ek mujasma he hai.

Ab agr zamane ki.. including family, relatives ki negativity face krne k bad, sab ka controlling behaviour dekhne k bad ab us mey se jo bhe nikal rha hai usko bad-kirdar, bad-zuban, bad-akhlaq, izzat pe dagh ka naam dia jata hai. Kyun??

Aaj hmari society ki aurat ya larki ko apni safety k liey weapons kyun rakhne ki zrort hai? Aaj unko ghar se bhagna kyun parta hai? Aaj unko NGO’s kyun Jana par rha hai? Aaj unko apne bachon ki ya parents k pressure ki wja se apni life ko sacrifice kyun krna par rha hai wo bhe kisi aur ka zulm sehne k liey? Aaj ki aurat itni baaghi (rebel) kyun hai?

In sab ka jwab un logon k pas hai Jinko Allah ne us larki ya beti ki guidance k liey bnaya tha, usko teach krne usko coach krne k liey bnaya tha. Us society k pas in sab swalon k jwab hain jisne khud he aisy standards bna diey k aurat ka jeena mushkil kr dia aur is chakar mey unki apni betiyan bhe pisti chali gae.

sirf aaj ka ye blog he kafi nhi is topic k liey.

Topic.. aurat to kabhi ek topic thi he nhi.. aurat ko kabhi kuch smjha he nhi gya jo us per ya uske kisi masle per baat ho.

lekin phir bhe aap sab k reviews aur comments dekh kr mujhe khushi ho gi.

I will continue this topic in my next blog.

love and light always ❤️

Published by kaynat24

Mum, independent woman, love reading and learning something new everyday 😊 Mindful living

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: